دبئی( پاکستان پوائنٹ نیوز24۔مئی2018ء ) دبئی دی سرکاری فضائی کمپنی فلائی دبئی نے اپنے اک مسافر جہاز دے ایرانی فضائی حد وچ اُڈان دوران اغوا ہون دی کوشش دیاں خبراں نوں رد کردتا۔ العربیہ ٹی وی مطابق فلائی دبئی نے وضاحت کیتی اے کہ بدھ دی سویر دبئی توں افغان راجدھانی کابل جان والی اُڈان ایف زیڈ 301نوں اک مسافر دے مندے رویے دی وجہ توں واپس دبئی دے بین الاقوامی اُڈے اُتے لاہیا گیا سی۔
دبئی ائر پورٹ حکام نے ذکر کیتے گئے مسافر نوں عملے دی شکایت اُتے گرفتار کر لیا تے ایہدے مگروں جہاز باقی مسافراں نوں لے کے مقامی ویلے مطابق سویرے 8وج کے 31منٹ اُتے کابل گیا۔ فضائی کمپنی دا کہنا اے کہ اوہ سوشل میڈیا اُتے ایس اُڈان بارے کھلاریاں گئیاں جھوٹھیاں خبراں تے واقعے بارے تحقیقات کر رہی اے۔
