مکہ: قربانی دا گوشت ہوٹل وچ ویچن والے 2 غیر ملکی گرفتار، 150 کلو گوشت برآمد

مکہ(پاکستان پوائنٹ نیوز17۔ستمبر2016ء) العزیزیہ دے علاقے وچ قربانی دا گوشت مختلف ہوٹلاں وچ ویچن والے دو بندیاں نوں گرفتار کر کے اوہناں دے قبضے توں 150 کلو گوشت برآمد کر لِتا گیا۔ تفصیل دے مطابق میونسیپلیٹی حکام نوں اطلاع ملی کہ دو بندے قربانی دا گوشت مختلف ہوٹلاں وچ سپلائی کر رہے نیں جدکہ سپلائی کیتا جان والا گوشت غیر معیاری وی اے۔ مونسیپلیٹی حکام نے اطلاع اُتے چھاپا ماردے ہوئے دو ملزماں نوں گرفتار کر کے اوہناں دے قبضے توں 150 کلو گوشت برآمد کر لیا۔ ملزماں نے گرفتار ہون دے بعد منیا کہ اوہ قربانی دا گوشت مختلف ہوٹلاں نوں دے رہے سن۔ملزماں نوں مکہ پولیس سٹیشن منتقل کر دِتا گیا اے۔