واشنگٹن(پاکستان پوائنٹ نیوز10۔ستمبر2016ء) امریکی محکما خارجا نے آکھیا اے کہ شمالی کوریا نوں کسے وی صورت ایٹمی طاقت نہیں مَنیا جائے گا۔بھارت نوں نیو کلیئر سپلائر گروپ دا رکن بنان لئی کوششاں جاری رہن گیاں۔ کانگریس دے بل دے باوجود سعودی عرب نال تعلقات خراب کرن دے حق وچ نہیں بلکہ ملکی مفادات زیادہ عزیز نیں۔ واشنگٹن وچ میڈیا بریفنگ دے دوران امریکی محکما خارجا دی پریس امور بارے ڈائریکٹر ایلزبتھ ٹروڈو دا کہنا سی کہ کانگریس نے 11 ستمبر حملیاں دا بل پیا کر لیا اے۔
بل دے تحت 11 ستمبر حملے دے متاثرا خاندان سعودی عرب توں ہرجانے دا دعوا کر سکدے نیں پر وائٹ ہاؤس آکھ چکیا اے کہ صدر باراک اوباما کانگریس دے ایس بل نوں ویٹو کرن گے، سعودی عرب نال تعلقات خراب کرن دا خطرا نہیں سہیڑ سکدے۔ اک سوال اُتے ٹروڈو نے آکھیا کہ بھارت نوں نیو کلیئر سپلائر گروپ دی رکنیت نہ ملن اُتے مایوسی ہوئی، نویں دِلی نوں این ایس جی دا رکن بنان لئی کوششاں جاری نیں تے امید کردے آں کہ بھارت جلد این ایس جی دا رکن بن جائے گا۔
