مکہ: حاجیاں لئی جدہ توں مکہ روزانا 1000ٹن پَھل گھلیا جا رہیا اے: وزارت خوراک

مکہ(پاکستان پوائنٹ نیوز10۔ستمبر2016ء) سعودی عرب وچ حاجیاں دی گنتی دن بدن ودھدی جا رہی اے۔ تقرین 10 لکھ دے نیڑے حاجی سعودی عرب پہنچ گئے نیں۔ سعودی وزارت خوراک دے ترجمان دا کہنا اے کہ روزانا دی بنیاد اُتے جدہ توں مکہ تقریبن 1000 ٹن پھل گھلیا جا رہیا اے۔ جدہ چیمبر آف کامرس دے رکن دا کہنا اے کہ چالو ورھے تقریبن 30 لکھ حاجیاں دے آن دی امید اے ایس لئی پَھلاں دی فراہمی دن بدن ودھدی جائے گی۔ اوہناں دا کہنا سی مکہ وچ سبزیاں دی ویچ وٹک وی ودھی اے۔ روزانا تقریبن 250 ٹن سبزیاں ورتیاں جا رہیاں نیں۔ پَھلاں وچ سبھ توں بہتا سیب وک رہیا اے۔