بھارت(پاکستان پوائنٹ نیوز14۔فروری2018ء) جذبات مجروح کرن اُتے مسلم کمیونٹی نے اداکارہ پریا پرکاش خلاف ایف آئی آر درج کروا دتی اے۔ تفصیل مطابق انٹرنیٹ اُتے دو دن وچ دھم مچان والی کُڑی پریا پرکاش اجے تیکر انٹرنیٹ اُتے چھائی ہوئی اے۔ ایس توں پہلاں پریا پرکاش نوں کوئی نہیں جاندا سی پر پریا پرکاش دی اک ویڈیو نے اوہنوں شہرت دیاں اُچائیاں اُتے اپڑا دتا۔
پریا پرکاش راتوں رات انٹرنیٹ سینسیشن بن گئی تے اک دن وچ اوہدے چاہن والیاں دی گنتی حیراکن طور اُتے ودھ گئی۔ پر ہن حیدر آباد توں تعلق رکھن والے کُجھ مسلمان مُنڈیاں نے مذہبی جذبات مجروح کرن اُتے پریا پرکاش خلاف ایف آئی آر درج کروا دتی اے۔ ایف آئی آر وچ نہ صرف پریا بلکہ گانا بنان والے نوں وی نامزد کیتا گیا اے۔ مسلم کمیونٹی دا کہنا اے کہ جس گانے وچ پریا پرکاش نے اداکاری کیتی اے اوس گانے دے بول مسلماناں دے آخری نبی حضرت محمدﷺ تے حضرت خدیجہ بارے نیں۔
