ایل او سی اُتے فائرنگ : بھارتی کیپٹن سنے4اہلکار ہلاک: بھارتی میڈیا

ایل او سی اُتے فائرنگ : بھارتی کیپٹن سنے4اہلکار ہلاک: بھارتی میڈیا

نویں دِلی(پاکستان پوائنٹ نیوز05۔فروری2018ء) لائن آف کنٹرول اُتے پاکستان تے بھارت وچکار فائرنگ دے نتیجے وچ بھارتی کیپٹن سنے چار اہلکار ہلاک ہو گئے نیں۔ بھارتی میڈیا نے دعوا کیتا اے کہ فائرنگ دے نتیجے وچ بی جی سیکٹر تے پونچ وچ موجود اہلکار ہلاک ہوئے۔ ہلاک ہون والے بھارتی اہلکاراں وچ 22ورھیاں دا کیپٹن کپل کندو، 28ورھیاں دا سپاہی رام، 22ورھیاں دا سپاہی شبھام سنگھ تے 42ورھیاں دا حوالدار روشن لال شامل نیں۔ بھارتی وزیر ہن راج نے بھارتی اہلکاراں دی موت اُتے ردعمل دیندے ہوئے آکھیا اے کہ اسیں اپنے جواناں دا خون معاف نہیں کراں گے۔ اوہناں نے دھمکی دیندے ہوئے آکھیا کہ پاکستان نوں ایہدی بھاری قیمتی چکانی پئے گی۔