سوانیاں لئی مرداں دا فٹبال میچ ویکھنا غیر اسلامی قرار: بھارتی مفتی دا فتوی

نویں دِلی(پاکستان پوائنٹ نیوز31۔جنوری2018ء) بھارتی مفتی نے سوانیاں ولوں مرداں دے فٹبال میچ ویکھن نوں غیر اسلامی قرار دے دتا اے۔ غیر ملکی میڈیا مطابق شمالی بھارت وچ موجود دارالعلوم دے سربراہ مفتی اظہر قاسمی نے سوانیاں ولوں مرداں دا فٹبال میچ ویکھن خلاف فتوی جاری کردے ہوئے آکھیا اے کہ سوانیاں نوں مرداں دا فٹبال میچ ویکھن دی اجازت نہیں ہونی چاہیدی کیونکہ بے لباس گوڈھے ویکھنا غیر اسلامی اے۔ چیتے رہوے کہ مفتی قاسمی دا فتوی اوس ویلے ساہمنے آیا اے جدوں سعودی عرب نے پچھلے مہینے دے شروع وچ سوانیاں نوں سٹیڈیم وچ مرداں دا فٹبال میچ ویکھن دی اجازت دتی سی۔