اک ڈپٹی ہیڈ ٹیچر نے سکول وچ واہیات فلم ویکھدے ہوئے پھڑے جان اُتے اپنی بیوی تے تن پُتراں نوں قتل کرن مگروں خدکشی کر لئی

اک ڈپٹی ہیڈ ٹیچر نے سکول وچ واہیات فلم ویکھدے ہوئے پھڑے جان اُتے اپنی بیوی تے تن پُتراں نوں قتل کرن مگروں خدکشی کر لئی۔ 40ورھیاں دے ایلن ہاوے نے اپنی 39ورھیاں دی بیوی کلوڈگ تے اپنے پُتر،13ورھیاں دے لیام، 11ورھیاں دے نیال تے 6ورھیاں دے ریان نوں پچھلے ورھے 29اگست نوں قتل کیتا سی۔ اخبار ’دی آئرش سن‘ دی رپورٹ مطابق تحقیقات توں پتا لگا اے کہ ایلن معاشرے وچ اپنی عزت گواچ جان اُتے ذہنی دباء وچ آگیا سی۔

تحقیقات توں پتا لگا اے کہ ایلن نوں واہیات فلماں ویکھن دی بیماری سی، جہدی وجہ اوہدے اپنی بیوی نال تعلقات دا خراب ہونا سی۔ اوہنے چاقو ، کلہاڑی تے خالی ہتھاں نال اپنے گھر والیاں نوں قتل کیتا۔ ثبوت توں پتا لگا اے کہ اوہنے اپنی بیوی تے وڈے پُتر نوں ایس خوف کارن قتل کیتا کہ کیتے اوہ مُڑ کے مقابلہ نہ کرن۔ ایلن تے اوہدے گھر والیاں دیاں لاشاں آئرلینڈ وچ موجود اوہناں دے گھر بالی جیمس ڈف نیڑے، اوکاڈین ڈائنز توں لبھیاں نیں۔