ٹورنٹو(پاکستان پوائنٹ نیوز25۔دسمبر2017ء) مشہور مذہبی سکالر مولانا طارق جمیل نوں پاکستان سنے دنیا بھر وچ جانیا پچھانیا جاندا اے۔ مولانا طارق جمیل دی شخصیت اجیہی اے جو وی اوہناں نال ملاقات کر لوے ، اوہ اوہناں توں متاثر ہوئے بنا نہیں رہ سکدا۔ مولانا طارق جمیل دنیا بھر وچ وعظ کرن لئی جاندے نیں ، جتھے دنیا بھر دے مسلمان اوہناں دیاں گلاں نوں سُن کے فائدہ چُکدے نیں۔
اجیہی ای اک تقریب کینیڈا دے شہر ٹورنٹو وچ ہوئی۔ پروگرام دے مجمان نے مولانا طارق جمیل نوں سٹیج اُتے آن دی دعوت دتی۔ مذہبی سکالر سٹیج اُتے پہنچے ای سن کہ مجمے وچوں اک بندہ روندا ہویا مولانا طارق جمیل دے پیراں وچ آ ڈِگیا۔پیراں وچ ڈِگن مگروں روندا ہویا ہتھ چُمدا سینے نال لگ گیا۔ مولانا طارق جمیل نے اوہنوں گلے لا لیا۔ ذکر کیتے گئے بندے نے مولانا طارق جمیل نوں آکھیاکہ میں تہاڈا بہت وڈا چاہیوان آں ، تُسیں میرے لئی دعا کرو ۔ جہدے اُتے مولانا نے انشاء اللہ آکھیا۔ جہدے مگروں سکیورٹی والے اوس بندے نوں سٹیج توں ہیٹھاں لے گئی۔
