نائیجیریا:مسجد وچ آپ مارو دھماکا‘5 بندے ہلاک

ابوجا(پاکستان پوائنٹ نیوز31۔اکتوبر2017ء) نائیجیریا وچ اک مسجد اندر آپ مارو دھماکا ہویا اے۔ دھماکے دے نتیجے وچ 5بندے ہلاک ہون دی اطلاع اے۔ ترک خبر رساں ادارے مطابق نائیجیریا دے شمال مشرقی علاقے وچ موجود اک مسجد اندر آپ مارو حملا کرن والے نے مسجد وچ وڑ کے فجر دی نماز لئی جمع ہون والے بندیاں وچکار اپنے آپ نوں اُڈا دتا۔ حملے دے نتیجے وچ 5بندے ہلاک ہو گئے نیں۔