سعودی عرب: سوانیاں دے مقابلے وچ مرداں اندر پلاسٹک سرجری دا رجحان ودھن لگا

ریاض(پاکستان پوائنٹ نیوز30۔اکتوبر2017ء) سوانیاں دے مقابلے وچ مرداں اندر پلاسٹک سرجری دا رجحان ودھن لگااے۔ وسیلیاں مطابق سعودی عرب وچ پلاسٹک سرجری دے کنسلٹنٹ ڈاکٹر نضال ایوب نے مقامی میڈیا نال گل بات کردے ہوئے آکھیا کہ سعودی عرب دے مقامی نوجواناں وچ پلاسٹک سرجری دا شوق ودھن لگا اے۔ اوہناں دا کہنا سی کہ پہلاں تے صرف سوانیاں ای ایس میدان وچ اک دوجے اُتے بازی لیجان دی کوشش کر رہیاں سن پر ہن مُنڈے وی پلاسٹک سرجری وچ غیر معمولی حد تیکر دلچسپی لین لگ گئے نیں۔ اوہناں نے مقامی میڈیا نال ای گل بات کردے ہوئے دسیا کہ پلاسٹک سرجری کروان والے مرداں دا تناسب 20توں 30فیصد ہو گیا اے پر سوانیاں ہن وی مرداں توں اگانہ ای نیں جہناں دا تناسب 70فیصد اے۔