نیویارک(پاکستان پوائنٹ نیوز21۔اکتوبر2017ء) امریکی سوشل میڈیا کمپنی فیس بک نے نویں فیچر ’سیٹس‘ دی آزمائش شروع کر دتی اے‘ نویں فیچر دی مدد نال ورتیندڑ اپنی پوسٹ‘ ویڈیوز‘ سٹیٹس دی اک مخصوص تھیم سیٹ کر سکن گے تے اک نویں کلیکشن اپنی پروفائل وچ بنا سکن گے۔ فیس بک نے اک وار فیر ’پنٹر سٹ‘ توں ایہ فیچر نقل کیتا۔ ایس توں پہلاں امریکی کمپنی ’بک مارک فیچر‘ وی ’پنٹرسٹ‘ توں ای نقل کر چکی اے۔
فیس بک دا نوں فیچر ایس ویلے پُن چھان دے مرحلے توں لنگھ رہیا اے جہدے مکمل ہون مگروں اوہنوں ورتیندڑاں لئی متعارف کروا یا جائے گا۔ایس فیچر نوں ورتن لئی ورتیندڑاں نوں اپنی پروفائل وچ موجود سیٹس آپشن اُتے کلک کرنا پئے گا۔ سیٹس وچ اپنی کلیکشن دیاں تصویراں اپ لوڈ کرنیاں ہون گیاں فیر تھیم دا چناؤ کرنا پئے گا۔مثال دے طور اُتے جے کوئی کھان پین یاں کوکنگ دا شوق رکھدا اے تے اپنے سیٹس فوڈ دا ناں دے سکدا اے جدکہ ایس بارے ہر پوسٹ ایہدے وچ اپ لوڈ کر سکدا ے جو علیحدہ توں بیلیاں نوں وکھالی دیوے گا۔
