مکہ مکرمہ(پاکستان پوائنٹ نیوز21۔اکتوبر2017ء) مکہ مکرمہ دی ام القری یونیورسٹی وچ ماہرین دی اک ٹیم غلاف کعبہ (کسوہ) وچ آرامڈ فائبر کیولر نوں شامل کرن بارے غور کر رہی اے تاں جے کعبے دا غلاف ڈاڈھی گرمی تے بھاری بھار نوں برداشت کر سکے۔عرب خبر رساں ادارے مطابق امور حرمین شریفین دی پریذیڈنسی دی ویب سائٹ مطابق غلاف کعبہ بارے کنگ عبدالعزیز کمپلیکس دے ڈائریکٹر جنرل ڈاکٹر محمد بن عبداللہ باجودہ نے واضح کیتا اے کہ ایس مادے نوں مصنوعی ریشے دے دھاگیاں وچ شامل کیتا جائے گا جو ریشم دے دھاگیاں دی سپورٹ لئی ہوندے نیں۔
ایہ ریشے غلاف نوں پھٹن تے کٹ لگن توں روکدے نیں۔ اوہناں نے ہور آکھیا کہ غلاف کعبہ نوں اک نینو ٹیکنالوجی نال مضبوط بنایا جائے گا۔ اوہدی تیاری دے مڈھلے مرحلے وچ داخل کیتا جاند ااے تے ایہ ریشم دے دھاگیاں دے معالجے لئی استعمال کیتی جائے گی۔ ایہدے مگروں کپڑے دی تیاری دا کم ہوئے گا تاں جے ایہ دھاگے ماحولیاتی عوامل تے غلطیاں دے نتیجے دا مقابلا کر سکن۔
