ابوظہبی(پاکستان پوائنٹ نیوز17۔اکتوبر2017ء) مقامی وسیلیاں مطابق اماراتی وزات افرادی قوت نے واضح کیتا اے کہ اوہ پہلی دسمبر توں غیر ملکی کارکناں نوں دو وکھو وکھ کیٹگریز وچ ونڈے گی جہدے حساب نال اوہناں دی ورک پرمٹ دی فیس وی طے ہوئے گی۔ پہلی کیٹگری وچ ماہر کارکن ہون گے۔ ماہر کارن اجیہے بندے نوں آکھیا جائے گا جہدے کال نوکری لین لئی سکول دے سرٹیفکیٹ توں وکھ پروفیشنل ڈگری دا اُچیچا سرٹیفکیٹ وی ہوئے گا۔
جتھوں تیکر دوجے کارکناں دی گل اے اوہ ایہدے وچ ’محدود مہارت والے کارکن‘آن گے جہناں اُتے ماہر کارکن والیاں شرطاں لاگو نہیں ہون گیاں۔ وزارت ولوں پہلی دسمبر تیکر ورک پرمٹ جاری کرن لئی نویاں فیساں لتیاں جان گیاں۔ پروگرام مطا بق نویاں فیساں چالو فیساں دے مقابلے وچ گھٹ ہون گیاں۔ غیر ملکیاں لئی اک سال دے ورک پرمٹ دے جاری ہون دی فیس 200درہم ہوئے گی۔ دو برس دے اجازت نامے دی فیس 300درہم متھی گئی اے۔
