ممبئی حادثے دی وجہ ساہمنے آ گئی: پُھل ڈِگ گیا نوں پُل ڈِگ گیا دی اواز سمجھ کے نس بھج پے گئی

ممبئی(پاکستان پوائنٹ نیوز06۔اکتوبر2017ء) ممبئی وچ ایلفن ریلوے سٹیشن وچ نس بھج دے نتیجے وچ کئی شہری ہلاک ہو گئے سن، حادثے دی اہم وجہ ساہمنے آ گئی۔ تفصیل مطابق کجھ دن پہلے ممبئی دے ایلفن ریلوے سٹیشن وچ نس بھج کارن کئی بندے ہلاک ہو گئے سن۔ حادثے تے نس بھج دی اصل وجہ ہن ساہمنے آ گئی اے۔ عینی شاہداں مطابق اک کُڑی دا کہنا سی کہ جس ویلے نس بھج پئی اوس توں پہلاں اک پُھل ویچن والا لوکاں نوں اپنے ول متوجہ کرن لئی اوازاں لا رہیا سی کہ پُھل ڈِگ گیا‘ پُھل ڈِگ گیا۔ لوکاں نے پُھل ڈِگ گیا نوں پُل ڈِگ گیا دی اواز سمجھ کے دوڑ لانی شروع کر دتی ، جہدے کارن کئی بندے ہلاک تے زخمی ہو گئے۔