انٹرنیشنل ائر پورٹس دا چیک ان کمپیوٹر سسٹم سائبر حملے نال کریش‘ مسافر پریشان

لندن(پاکستان پوائنٹ نیوز28۔ستمبر2017ء) دنیا بھر دے وڈے ائر پورٹس اُتے چیک ان سسٹم سائبر حملے دے نتیجے وچ کریش کر گیا‘ جہدے نتیجے وچ مسافراں نوں اوکڑاں دا ساہمنا اے۔ میڈیا رپورٹس مطابق دنیا دے وڈے ائر پورٹس دے چیک ان سسٹم اُتے سائبر حملا ہویا اے۔ حملے دے نتیجے وچ ائر پورٹس دا چیک ان کمپیوٹر سسٹم کریش کر گیا اے۔ ایہناں ائر پورٹس وچ واشنگٹن‘ لندن‘ پیرس‘ میلبورن‘ سنگار پورا تے زیورخ شامل نیں۔ ائر پورٹس اُتے سسٹم کریش ہون نال مسافراں نوں ڈاڈھیاں اوکڑاں دا ساہمنا اے۔ دوجے پاسے چیک ان کمپیوٹر سسٹم نوں ٹھیک کرن لئی کم شروع کر دتا گیا اے۔