نیویارک(پاکستان پوائنٹ نیوز23۔ستمبر2017ء) ترک صدر رجب طیب اردگان نے ’اسلامی دہشت گردی‘ دا لفظ ورتن والیاں اُتے تنقید کردے ہوئے آکھیا اے کہ کل تک تیکر مسیحی‘ یہودی یاں بدھ مت دہشت گردی دا ناں نہیں سنیا تے اسلام نوں کیوں دہشت گردی نال جوڑیا جا رہیا اے؟غیر ملکی میڈیا مطابق ترک صدر نے نیویارک وچ مسلم تنظیماں دے آگوواں نال خطاب کردے ہوئے آکھیا کہ اسیں تے اج تیکر مسیحی‘ یہودی یاں بدھ مت دہشت گردی دا ناں نہیں سُنیا تے اج اسلام نوں کیوں دہشت گردی نال جوڑیا جا رہیا اے۔
اوہناں نے آکھیا کہ روہنگیا مسلمان ایس ویلے تکلیف وچ نیں، اوہناں دی نسل کشی کیتی جا رہی اے جہناں نوں بدھ مت آبادی قتل کر رہی اے پر اسیں ’بدھ مت دہشت گردی‘ نہیں آکھیا۔ میں بدھ متاں نوں دنیا دا اعتدال پسند فرقہ منن والیاں نوں آکھنا واں کہ اوہ ہن ’اسلامی دہشت گردی‘ دے لفظ نوں ورتنا بند کردین۔
