ایران وی نائن الیون حملیاں وچ ملوث سی: عرب ٹی وی دا دعوا

دبئی(پاکستان پوائنٹ نیوز09۔ستمبر2017ء) عرب ٹی وی نے دعوا کیتا اے کہ ایران وی امریکا اُتے 11ستمبر 2001نوں جہاز حملیاں وچ ملوث سی۔ عرب ٹی وی مطابق ایرانی رجیم دے القاعدہ دہشت گرد گروپ نال تعلق سن تے اوہنے القاعدہ دے ارکان نوں گیارھاں ستمبر نوں وڈیاں کارروائیاں کرن لئی عسکری تربیت دتی سی۔ ایرانی سکیورٹی سروس ویواک دے یورپ وچ تعینات اک سابق سینئر عہدے دار ابوالقاسم مصباحی نے اپنے انٹرویو وچ انکشاف کردے ہوئے دسیا کہ کیویں ایران القاعدہ دی مدد کردا رہیا سی۔ عہدے دارے نے دسیا کہ لبنان دی شیعہ ملیشیا حزب اللہ نے القاعدہ دے ارکان نوں باردو نال بھریاں گڈیاں تیار کرن دی تربیت دتی سی۔ اجیہیاں گڈیاں آپ مارو حملیاں وچ ورتیاں جاندیاں رہیاں۔