ممبئی(پاکستان پوائنٹ نیوز24جولائی 2017ء) مودی سرکار دے آن مگروں بھارت وچ مسلماناں خلاف تشدد عروج تے نظر آ رہیا اے تے پچھلے دِنا ای اک مسلمان دے خوفناک قتل دی ویڈیو وی ساہمنے آ گئی اے۔ بھارتی میڈیا مطابق پولیس نے نوجوان دی شناخت رفیق الدین دے ناں توں کردے ہوئے اوہنوں اک گینگسٹر بناندے ہوئے قتل نوں دشمنی دا نشانا قرار دتا اے۔ سی سی ٹی وی فوٹیج مطابق تلواراں تے ڈنڈیاں نال لیس 11بندیاں نے ممبئی توں 280کلو میٹر دور دھولے دے علاقے وچ چاہ خانے تے بِہ کے رفیق الدین نوں سٹرک تے گھیسٹدے اتے ڈنڈے ورساندے نظر آ رہے نیں، ان پچھاتے بندیاں نے رفیق الدین نوں 27وار تلواراں تے ڈندیاں نال نشانا بنایا تے فرار ہو گئے۔
پولیس نے دعوا کیتا اے کہ رفیق اک جرائم پیشہ بندا سی جو ضمانت اُتے رہا ہویا سی۔رفیق خلاف بھتہ خوری، ریپ تے ہور 30مقدمے چل رہے سن جدکہ قتل دی ممکنہ وجہ گینگزدی آپسی لڑائی ہو سکدی اے۔
