بغداد(پاکستان پوائنٹ نیوز11۔جولائی2017ء) دہشت گرد تنظیم داعش نے تنظیم دے بانی ابوبکر البغدادی دی موت دی تصدیق کر دتی، نویں امیر دے ناں بارے مشورا جاری۔ منگل نوں غیر ملکی میڈیا مطابق داعش دے اک ترجمان ولوں جاری کیتے گئے بیان وچ دہشت گرد جنگجو تنظیم داعش نے تنظیم دے بانی ابوبکر البغدادی دی موت دی تصدیق کر دے ہوئے دسیا کہ تنظیم دے نویں امیر دے ناں دے حوالے نال مشورا جاری اے۔
نویں سربراہ دے ناں دا اعلان چھیتی کر دتا جائے گا۔ کُجھ مہینے پہلے روسی جنگی جہازاں نے فضائی کارروائی کردے ہوئے داعش دے سربراہ ابوبکر البغدادی نوں شہر رقہ وچ نشانا بنایا سی جہدے مگروں اوہدی موت بارے قومانتری میڈیا وسیلیاں توں متضاد اطلاعواں آ رہیاں سن پر ہن روسی وزارت دفاع نے اپنے اک بیان وچ ایس گل دی تصدیق کر دتی اے کہ روسی فضائی فوجیاں نے کارروائی کردے ہوئے ابوبکر البغدادی نوں اوہناں دے ساتھیاں سنے ہلاک کر دتا اے جہدے مگروں نویں امیر دے ناں دے حوالے نال مشورا جاری اے۔
