لندن(پاکستان پوائنٹ نیوز09۔جون2017ء) برطانیا دے عام انتخابات وچ 5سوانیاں سنے 12پاکستانی نژاد کامیاب ہوئے نیں جدکہ مجموعی طور اُتے 30پاکستانی نژاد امیدواراں نے الیکشن وچ حصہ لیا۔ لندن دے علاقے ٹوٹنگ توں لیبر پارٹی دی روزینہ خان کامیاب ہوئی۔ اک مکینک دی دھی نے اپنے کنزرویٹو حریف ڈین واٹکنز نوں ہرایا۔ برمنگھم توں لیبر پارٹی دی شبانہ محمود ہاﺅس آف کامنز دی ممبر چنگی گئی، بیرسٹر شبانہ محمود لیبر پارٹی برمنگھم دے چیئرمین دی دھی اے۔
پاکستانی نژاد برطانوی افضل خان مانچسٹر گورٹن توں کامیاب ہوئے۔ اوہناں نے مشہور سیاستدان جارج گیلووے نوں ہرایا۔ بولٹن توں لیبر پارٹی دی یاسمین قریشی نے وی کامیابی حاصل کیتی، یاسمین قریشی دا تعلق پنجاب دے علاقے گجرات توں اے۔ لیبر پارٹی دے فیصل رشید وارنگٹن توں کامیاب ہوئے نیں۔ بریڈ ورڈ ایسٹ توں لیبر پارٹی دے عمران حسین کامیاب ہوئے۔ بریڈ فورڈ ویسٹ توں لیبر پارٹی دی امیدوار ناز شاہ نے وی الیکشن جِت لیا۔ لیبر پارٹی دے ٹکٹ اُتے ای خالد محمود کامیاب ہوئے۔ کنزر ویٹو پارٹی دے امیدوار پاکستانی نژاد جاوید وی اپنے سیٹ جِت گئے۔
