مسجد حرام وچ وہیل چیئر اُتے عمرہ کرن والے نوجوان مُنڈے دی اک نامعلوم بزرگ نے طواف کرن وچ مدد کیتی، ویڈیو سوشل میڈیا اُتے وائرل

مکہ(پاکستان پوائنٹ نیوز08۔جون2017ء) مکہ مکرمہ وچ رمضان دے مہینے دوران عمرہ زائرین دی بھیڑ عام دناں دے مقابلے وچ بہتی ہوندی اے۔ عمرے دوران کئی اجیہے واقعات ہوندے نیں کہ اوہ لوکاں دی توجہ دا مرکز بند جاندے نیں۔ اجیہے واقعے وچوں اک واقعہ کجھ دن پہلے ہویا جہدی ویڈیو سوشل میڈیا اُتے وائرل ہو گئی۔ عرب نیوز مطابق مسجد الحرام وچ اک نوجوان مُنڈا وہیل چیئر اُتے بغیر کسے دی مد نال عمرہ کر رہیا سی۔ جہدا ناں عمر فاروق سی۔ عمر فاروق دا کہنا سی کہ جدوں اوہ اپنے پہلے طواف دوران تھک گیا فیر اوہدے کول اک بزرگ بندا آیا تے اوہنے وہیل چیئر پھڑ کے طواف کرن وچ مدد کیتی۔ سوشل میڈیا اُتے وائرل ہون والی ویڈیو وچ ویکھیا جا سکدا اے کہ اوہ بزرگ بندے نے کس طرحاں نوجوان دی وہیل چیئر پھڑ کے اوہنوں طواف کروایا۔ عمر فاروق دا کہنا سی کہ میں ایس بزرگ بندے نوں نہیں جاندا۔ اوہ بزرگ اوہنوں طواف کرواندے ہوئے اتھراواں نال رو رہیا سی۔ نوجوان نے جدوں بزرگ دا ناں پُچھیا تے جواب وچ بزرگ نے اپنا ناں محمد دسیا۔ جہدے اُتے نوجوان نے بزرگ نوں دعا دتی کہ اللہ تینوں سلامت رکھے تے جنت وچ گھر دیوے۔ تیرا ناں محمد اے خدا کرے توں جنت وچ حضرت محمد نال ہووے۔ویڈیو تسیں وی ویکھو!