عمان(پاکستان پوائنٹ نیوز07۔جون2017ء) سعودی عرب سنے 5اسلامی ملکاں دے موقف دی حمایت کردے ہوئے اردن تے موریتانیا نے وی قطر نال اپنے سفارتی تعلقات ختم کردے ہوئے الجزیرا ٹی وی دے لائسنس منسوخ کر دتے۔ غیر ملکی خبر رساں ادارے مطابق عمان دے حکومتی ترجمان محمد المومنی نے آکھیا کہ عمان نے ایہ فیصلا قطر تے ہور عرب ریاستاں وچکار مسائل دی وجہ پتا چلن مگروں کیتا۔
اوہناںد ا کہنا سی کہ ایس فیصلے دے نال نال اسیں قطری حکومت دی سرپرستی وچ چلن والے ٹی وی چینلز الجزیرا دے لائسنس وی منسوخ کر دتے نیں۔ اودھر سعودی عرب، مصر ، بحرین تے متحدہ عرب امارات مگروں عرب اتحاد دے رکن ملک موریتانیا نے وی قطر نال سفارتی تعلقات ختم کرن دا اعلان کر دتا۔ افریقی ملک موریتانیا نے وی سعودی عرب سنے چار مسلم ملکاں دے اعلان مگروں قطر اُتے دہشت گرداں دی حمایت دا الزام لاندے ہوئے اپنے سفارتی تعلقات ختم کر دتے نیں۔
