داعش نے مانچسٹر حملے دی ذمے واری قبول کر لئی

قاہرہ(پاکستان پوائنٹ نیوز23۔مئی2017ء) عالمی دہشت گرد تنظیم داعش دے اک گروپ نے پچھلے دیہاڑے مانچسٹر وچ ہون والے دہشت گرد حملے دی ذمے واری قبول کر لئی اے۔ گروپ ولوں سماجی رابطے دی ویب سائٹ اُتے جاری بیان وچ آکھیا گیا اے کہ اوہناں دے گروپ دے اک رکن نے کنسرٹ والی تھاں تے بم لایا سی۔ بیان وچ ایس قسم دے ہور حملیاں دی دھمکی وی دتی گئی اے جدکہ گروپ دی اپنی نیوز ایجنسی ’اماک‘ نے وی ایس حملے دی ذمے قبول کرن دی خبر جاری کیتی اے۔چیتے رہوے کہ مانچسٹر وچ دہشت گردی دے نتیجے وچ 22بندے ہلاک تے درجناں زخمی ہو گئے سن۔