سعودی عرب: سیلاب دوران مزے کرن والے 2 نوجواناں دی ویڈیو سوشل میڈیا اُتے وائرل

طائف(پاکستان پوائنٹ نیوز19۔مئی2017ء) سعودی عرب وچ سیلا ب نے زندگی دا نظام اُگھڑ دُگھڑ کر دتا اے، سیلاب کارن لوک بنیادی سہولتاں توں وی محروم ہو گئے نیں، پر ایس دوران دو نوجواناں دی اک ویڈیو سوشل میڈیا اُتے ورتیندڑاں نے بہت پسند کیتی اے۔ گلف نیوز دے مطابق ایہ دو نوجوان اک سیٹ اُتے بیٹھے سیلاب دے پانی وچ تیر رہے نیں۔ اوہ ایہناں حالات وچ نہ صرف خش وکھالی دے رہے نیں بلکہ اوہ باقاعدا انجوائے کر رہے نیں۔ سوشل میڈیا ورتیندڑاں نے ذکر کیتی گئی ویڈیو اُتے تبصرا کردے ہوئے آکھیا کہ ایہ مشکل حالات وچ وی خش رہن دی اک علا مثال اے۔ کئی ورتیندڑاں نے اوہناں نوں زندا دل انسان آکھیا۔