کابل(پاکستان پوائنٹ نیوز17۔مئی2017ء) بھارت نواز افغان انٹیلی جنس ایجنسی این ڈی ایس نے کابل وچ پاکستانی سفارتخانے دے دو اہلکاراں نوں پہلے اغوا کیتا فیر تن گھنٹیاں مگروں چھڈ دتا، ایس دوران اوہناں نوں ہراساں وی کیتا گیا۔ میڈیا رپورٹس دے مطابق افغان انٹیلی جنس این ڈی ایس نے کابل وچ پاکستانی سفارتخانے دے دو اہلکاراں نوں سفارتخانے دی گڈی سنے اغوا کر لیا۔
اغوا کیتے گئے اہلکاراں وچ ویزا اسسٹنٹ حسن خانزادہ تے اوہناں دا ڈرائیور منیر شاہ شامل سی۔ اہلکاراں نوں اغوا کیتے جان دے تن گھنٹیاں مگروں چھڈ دتاگیا۔ ایس دوران این ڈی ایس دے اہلکاراں نے پاکستانی سفارتی عملے نوں حراساں وی کیتا۔چیتے رہوے کہ ایس توں پہلے کابل وچ دوپاکستانی سفارتی عملے دے اہلکاراں دے لاپتا ہون دی خبر ساہمنے آئی سی تے وسیلیاں نے دعوا کیتا سی کہ دوویں اہلکاراں نوں مبینہ طور اُتے ڈی این ایس نے اغوا کیتا۔ جہدے مگروں دوویں اہلکاراں دے لاپتا ہون دے حوالے نال پاکستانی سفارتخانے نے افغان حکام نال رابطا کیتا۔
