کشمیری نوجوان نوں فوجی جیپ نال بنھ کے انسانی ڈھال دے طور اُتے ورتن والے میجر نوں کلین چٹ مل گئی

سرینگر(پاکستان پوائنٹ نیوز15۔مئی2017ء) کشمیری نوجوان نوں فوجی جیپ نال بنھ کے انسانی ڈھال دے طور اُتے ورتن والے میجر نوں کلین چٹ مل گئی اے۔ کشمیر میڈیا سروس دے مطابق بھارتی فوج ولوں بنائی گئی تحقیقاتی ٹیم نے ذکر کیتے گئے میجر خلاف کورٹ مارشل تے دور دی گل، انضباطی کارروائی دی سفارش تک نہیں کیتی۔ پولیس ولوں واقعے وچ ملوث راشٹریہ رائفلز دے میجر خلاف ایف آئی آر درج کرن دے دو دن مگروں بھارتی فوج نے 15اپریل نوں کورٹ آف انکوائری قائم کیتی سی جہنے ذکر کیتے گئے میجر نوں سزا دین دی بجائے اوہدی تعریف کیتی اے۔ واقعے دی ویڈیو سوشل میڈیا اُتے اپ لوڈ ہون مگروں لوکاں نے ڈاڈھے غصے دا وکھالا کردے ہوئے واقعے دی نندیا کیتی۔