عسکریت پسند پاکستان دے ایٹمی ہتھیار چوری کر کے بھارت اُتے حملا کر سکدے نیں: امریکی انٹیلی جنس ڈائریکٹر

نیویارک(پاکستان پوائنٹ نیوز13۔مئی2017ء) امریکی انٹیلی جنس کمیٹی دے ڈائریکٹر ڈینیل کوٹس نے آکھیا اے کہ عسکریت پسند پاکستان دے ایٹمی ہتھیار چوری کر کے بھارت اُتے حملا کر سکدے نیں۔ بھارتی میڈیا دے مطابق قومی انٹیلی جنس دے ڈائریکٹر نے اک سنوائی دوران ارکان پارلیمنٹ نوں دسیا کہ بھارت مخالف جنگجوواں نوں ملن والے تعاون نوں روکن وچ پاکستان ناکام رہیا اے۔ اوہناں نے آکھیا کہ جنوری 2016وچ پٹھانکوٹ حملے دیاں تحقیقات وچ پیشرفت نہ ہون کارن دو پاسی تعلقات وچ کمی آن لگی۔ اوہناں دا کہنا سی کہ خدشا اے عسکریت پسند پاکستان دے ایٹمی ہتھیار چوری کر کے بھارت اُتے حملا کر سکدے نیں۔