امریکا(پاکستان پوائنٹ نیوز03۔مئی2017ء) ایف بی آئی (فیڈرل بیورو آف انوسٹی گیشن) دی سوانی افسر داعش دی محبت وچ گرفتار ہو کے شام پہنچ گئی۔ تفصیل دے مطابق امریکی میڈیا وچ انکشاف ہویا اے کہ ایف بی آئی وچ کم کرن والی مترجم ڈینیلا گرین داعش دے کارکن ابو طلحہ دی جاسوسی کردے اوہدی محبت وچ گرفتار ہو گئی۔ ڈینیلا نوں جرمن نژاد دہشت گرد اُتے نظر رکھن والی جرمن ٹیم وچ شامل کیتا گیا سی پر انکوائری دوران ڈینیلا ابو طلحہ توں اینی متاثر ہوئی کہ اوہدے محبت وچ گرفتار ہو کے اوہدے نال ویاہ کر لیا پر فیر چھیتی ای اوہنوں اپنی غلطی دا احساس وی ہو گیا۔
جہدے مگروں ڈینیلا شام توں فرار ہو کے امریکا واپس آ گئی۔ ایف بی آئی نے ملک نال غداری تے اک مطلوب دہشت گرد نال تعلق رکھن اُتے ڈینیلا نوں گرفتار کر لیا۔ ڈینیلا نے اپنی ریاست نال انکوائری دوران بھرپور تعاون کیتا جہدے اُتے اوہنوں دو ورھیاں مگروں چھڈ دتا گیا۔
