بھارتی جاسوس کلبھوشن نوں موت دی سزا دا حکم: بھارت وچ پاکستان خلاف وکھالے شروع

لاہور(پاکستان پوائنٹ نیوز13۔اپریل2017ء) بھارتی جاسوس کلبھوشن نوں موت دی سزا دا حکم سنائے جان مگروں بھارت وچ پاکستان خلاف وکھالے شروع ہوگئے، وزیر اعظم پاکستان میاں محمد نواز شریف خلاف بھارتی جاسوس کلبھوشن نوں موت دی سزا سنائے جان اُتے احتجاجی وکھالے کیتے گئے۔ احتجاج وچ رلتی لوکاں نے وزیر اعظم دے پُتلے وی ساڑے۔ میڈیا رپورٹس دے مطابق بھارتی جاسوس کلبھوشن یادیو نوں پاکستان وچ موت دی سزا سنائے جان اُتے بھارت وچ تھاں تھاں احتجاجی وکھالے کیتے گئے۔ ایس توں وکھ دوجے پاسے پاکستانی قوم تے سیاسی رہنماواں نے وزیر اعظم نواز شریف نوں بھارتی جاسوس کلبھوشن یادیو نوں موت دی سزا سنائے جان دے فیصلے دا خیرمقدم کیتا اے۔