لاہور(پاکستان پوائنٹ نیوز10۔اپریل2017ء) مقبوضہ کشمیر وچ بھارتی فوج دے ظلماں دا سلسلا جاری اے، بھارتی سکیورٹی اداریاں دے تشدد دے نتیجے وچ ہور چار کشمیریاں نوں شہید کر دتا گیا اے۔ میڈیا رپورٹس دے مطابق مقبوضہ کشمیر وچ بھارتی فوج نے بھارتی جاسوس نوں پھانسی دی سزا سنائے جان خلاف ہن کشمیریاں اُتے ظلم کرنا شروع کر دتا اے۔ بھارتی ظلم دے نتیجے وچ چار کشمیری ہور شہید ہو گئے نیں۔
ایس توں پہلے میڈیا مطابق 8کشمیریاں نوں شہید کیتا گیاسی۔ چیتے رہوے کہ وادی مقبوضہ کشمیر وچ ضمنی الیکشن دوران ہن تک 12بندیاں نوں شہید تے 200توں ودھ نوں زخمی کر دتا گیا اے۔ پاکستان دے سیاسی و سماجی رہنماواں نے وفاقی حکومت توں مطالبا کیتا اے کہ بھارتی ظلماں نوں رکوان لئی سارے وسائل ورتدیاں ہویاں اقوام متحدہ سنے ہور سارے عالمی اداریاں نوں ایس حوالے نال اپنا کردار ادا کرن لئی آکھیا جائے۔
