2060تک دنیا بھر وچ مسلماناں دی گنتی عیسائیاں دے برابر ہوجائے گی: پیوریسرچ سنٹر

امریکا(پاکستان پوائنٹ نیوز06۔اپریل2017ء) امریکی تحقیقی ادارے نے پیشنگوئی کیتی اے کہ 2060تک دنیا بھر وچ مسلماناں دی گنتی عیسائیاں دے برابر ہو جائے گی۔ امریکی تحقیقاتی ادارے پیو نے اپنے سروے راہیں اک رپورٹ تیار کیتی اے۔ رپورٹ وچ حقائق ساہمنے آئے نیں کہ دنیا دے مختلف مذہباں دے منن والیاں دی بجائے مسلماناں وچ پیدائش دی شرح ودھی اے۔ جہدے وجہ توں دنیا بھر وچ مسلماناں دی آبادی وچ تیزی نال وادھا ہو رہیا اے۔ پیو ریسرچ نے اپنی رپورٹ وچ ہور دسیا کہ 2060وچ مسلماناں دی گنتی دنیا دی کل آبادی دا 31فیصد ہو جائے گی۔ پیو ریسرچ سنٹر نے رپورٹ دنیا دے مختلف ملکاں وچ آدم شماری، آبادی دے جائزیاں تے پیدائش دی شرح و موت دے آنکڑیاں دے ڈھائی ہزار توں ودھ نمونےاں دی مدد نال تیار کیتی ۔