پاکستان دیہاڑ : دبئی دے برج خلیفہ نوں پاکستانی جھنڈے دے رنگ وچ رنگ دتا گیا

دبئی(پاکستان پوائنٹ نیوز23۔مارچ2017ء) پاکستان دیہاڑ دے موقع اُتے دبئی دے برج خلیفہ نوں پاکستانی جھنڈے دے رنگ وچ رنگ دِتا گیا اے۔ تفصیل دے مطابق پاکستان دیہاڑ دے موقعے اُتے اماراتی حکومت ولوں ایس دیہاڑ نوں منان لئی اُچیچا اہتمام کیتا گیا اے۔ پاکستان دیہاڑ دے موقعے اُتے دبئی دے برج خلیفہ نوں اُچیچا پاکستانی جھنڈے دے رنگ وچ رنگ دِتا گیا اے جدکہ برج خلیفہ نیڑے موجود جھیل تے ہور بلڈنگاں اُتے وی پاکستانی جھنڈے دا سایہ نمایاں اے۔ چیتے رہوے کہ ایہ پہلا موقع اے جدوں دبئی دے برج خلیفہ نوں پاکستانی جھنڈے دے رنگ وچ رنگیا گیا اے۔