بھارت دا اک وار فیر چین پاکستان اقتصادی راہداری منصوبے اُتے تحفظات دا وکھالا

نویں دِلی(پاکستان پوائنٹ نیوز16۔مارچ2017ء) بھارت نے اک وار فیر چین پاکستان اقتصادی راہداری منصوبے اُتے اپنے تحفظات دا وکھالا کردے ہوئے آکھیا اے کہ سی پیک منصوبا بھارت دی آپ مختاری خلاف اے۔ بھارتی میڈیا مطابق وزارت دفاع نے پارلیمنٹ وچ پیش کیتی گئی اپنی سالہوار رپورٹ وچ آکھیا اے کہ چین پاکستان اقتصادی راہداری منصوبا آزاد کشمیر توں لنگھدا اے جو بھارت دی آپ مختاری دی خلاف ورزی اے۔ وزارت دفاع دا کہنا اے کہ بھاویں پاکستانی فوج نے ملک وچ سکیورٹی دی صورتحال بہتر بنان دیاں کوششاں کیتیاں نیں پر گوانڈھی ملکاں نوں نشانا بنان والیاں جہادی تے ہور دہشت گرد تنظیماں خلاف کارروائی توں پرہیز کیتا گیا۔