ابوظہبی: پالتو کتے نوں زندا بلی کھوان والے بندے نوں گرفتار کر لیا گیا

ابوظہبی(پاکستان پوائنٹ نیوز15۔مارچ2017ء) ابوظہبی پولیس ڈیپارٹمنٹ دے اعلا حکام نے سوشل میڈیا اُتے اپنے پالتو کتے نوں زندا بلی کھوان والی ویڈیو اپ لوڈ کرن والے شہری نوں گرفتار کر لیا اے۔ یاد رہوے کہ ویڈیو وچ نامعلوم بند ا اپنے پالتو کتے اگے کھان لئی بلی نوں پا رہیا اے تے نال آکھ رہیا اے کہ ایس بلی نے اوہدے پالتو جنور نوں کھادا سی۔ پولیس وسیلیاں دا کہنا اے کہ جنوراں نال وحشی پن وکھان والے نوں 200000درہم تک جرمانا ہو سکدا اے۔ یاد رہوے کہ نویں قانون دے مطابق جنوراں نال مَندا سلوک کرن والیاں نوں اک سال قید دی سزا تے 200000درہم تک جرمانا بھر نا پے سکدا اے۔ شہریاں دا کہنا اے کہ ایس طرحاں دے بندیاں نوں ضرور گرفتار کرنا چاہیدا سی تے اوہنوں سخت سزا دینا ضروری اے۔