واشنگٹن(پاکستان پوائنٹ نیوز16۔فروری2017ء) امریکا دے نویں صدر ڈونلڈ ٹرمپ نے اسرائیلی وزیر اعظم نوں یقین دہانی کرواندے ہوئے آکھیا اے کہ اوہ ایران نوںکدی وی ایٹمی ہتھیار بنان دی اجازت نہیں دین گے۔ تفصیل دے مطابق اسرائیلی وزیر اعظم دی وائٹ ہاﺅس آمد اُتے ڈونلڈ ٹرمپ تے اوہناںدی بیوی نے نیتن یاہو تے اوہناں دی گھر والی دا خیرمقدم کیتا۔ ایران تے 6عالمی طاقتاں وچکار ہون والے نیو کلیئر ڈیل بارے اسرائیلی وزیراعظم دے خدشیاں دا جواب دیندے ہوئے ڈونلڈٹرمپ دا کہنا سی کہ اسرائیل نوں کئی سکیورٹی چیلنجاں دا ساہمنا اے جہناں وچ اک ایران دے ایٹمی ہتھیار بنان دا خدشا وی شامل اے۔
امریکی صدر دے مطابق جِنے وی سمجھوتے ہوئے اوہناں وچوں بدترین سمجھوتاایران نال ہویا۔ اوہناں دا کہنا سی کہ میری انتظامیا ایران اُتے نویاں پابندیاں لا چکی اے ۔ اوہناں داکہنا سی کہ اسیں ایران نوں ایٹمی ہتھیار بنان توں روکن لئی ہور کم کر اں گے۔
