مشہورسکالر ڈاکٹر ذاکر نائیک دی جائیداد ضبط کرن دا حکم جاری

نویں دِلی(پاکستان پوائنٹ نیوز13۔اکتوبر۔2018ء) بھارتی عدالت نے مشہور مذہبی سکالر ڈاکٹر ذاکر نائیک دی جائیداد ضبط کرن دا حکم دے دتا۔ بھارتی ٹی وی مطابق عدالتی فیصلے وچ ذاکر نائیک دے ممبئی وچ 4فلیٹ تے اک دُکان ضبط کرن دا حکم دتا گیا اے۔ ذاکر نائیک دی این جی او اُتے غیر قانونی سرگرمیاں وچ ملوث ہون دا الزام اے تے بھارتی عدالت نے ذاکر نائیک اُتے جون 2017وچ فرد جرم لائی سی۔ یاد رہوے کہ جولائی 2016دے ڈھاکا دھماکے وچ 22بندے ہلاک ہوئے سن تے ایس دہشت گرد حملے دے ملزماں نے ذاکر نائیک توں متاثر ہون دا دعوا کیتا سی۔ ذاکر نائیک اجکل مستقل رہائشی طور اُتے ملائیشیا وچ مقیم نیں۔