لاس اینجلس(پاکستان پوائنٹ نیوز19۔نومبر۔2016ء) ورلڈ چیمپئن ریسلنگ (ڈبلیو سی ڈبلیو) تے ورلڈ ریسلنگ فیڈریشن (ڈبلیو ڈبلیو ایف) دے مشہور بھلوان بگ وین ویڈر بارے اطلاعواں نیں کہ اوہناں دی حالت ڈاڈھی خراب اے، ڈاکٹراں نے دل دے روگ وچ مبتلا ہون پاروں اوہناں نوں ایس گل بارے دَس دِتا اے کہ اوہ شاید ہور دو ورھیاں تیکر زندا نہیں رہ سکن گے۔ غیر ملکی خبر رساں ادارے دی رپورٹ دے مطابق لیجنڈ ریسلرنگ بگ وین ویڈر نے سماجی رابطے دی ویب سائٹ ٹویٹر دے ذریعے اپنے چاہیواناں نوں اپنی حالت بارے دسیا۔
اپنے ٹویٹ وچ اوہناں دا کہنا سی کہ ڈاکٹرں نے اوہناں نوں دسیا کہ ریسلنگ تے فٹبال کھیڈن پاروں اوہناں دل ڈاڈھا کمزور ہو گیا اے۔ 61ورھےاں دے ریسلر نے دسیا کہ ڈاکٹراں دے مطابق اوہناں نوں دل دا روگ اے۔ ویڈر دے چاہیواناں نے اوہناں دی حالت اُتے ڈاڈھے ہِرکھ دا وکھالا کردے ہوئے اوہناںدی صحت لئی دعا کیتی اے۔
