بھارت نے پاکستانی کبڈی ٹیم نوں ورلڈ کپ وچ رلت دی اجازت دین توں انکار کر دِتا

لاہور(پاکستان پوائنٹ نیوز16۔ستمبر2016ء) بھارت نے پاکستانی کبڈی ٹیم نوں ورلڈ کپ وچ رلت دی اجازت دین توں انکار کر دِتا اے۔ تفصیل دے مطابق بھارتی وزارت داخلا نوں پاکستانی کبڈی ٹیم توں وی خطرا محسوس ہون لگا اے، تے مودی سرکار نے میگا ایونٹ وچ رلت لئی پاکستانی ٹیم نوں سکیورٹی کلیئرنس دین توں انکار کر دِتا اے جہدے بعد انٹرنیشنل کبڈی فیڈریشن ولوں جاری کیتے گئے شیڈول وچ پاکستان کبڈی ٹیم ڈراپ ہو گئی اے۔ یاد رہوے کہ حتمی اعلان توں پہلے ممکنا ٹیماں وچ پاکستان دا ناں شامل سی پر ہن قومی کبڈی ٹیم 7 اکتوبرنوں بھارت دے شہر حیدر آباد وچ شیڈول ورلڈ کپ 2016 وچ رلت نہیں کرے گی۔