بنگورو(پاکستان پوائنٹ نیوز25۔جنوری2017ء) مسلمان بھارتی سپنر نے مقامی ٹی ٹونٹی ٹورنامنٹ وچ بغیر کوئی سکور کھادے 6کھڈاری آﺅٹ کرن دا انوکھا ریکارڈ بنا لیا۔ تفصیل دے مطابق کرناٹکا سٹیٹ کرکٹ ایسوسی ایشن ٹونٹی ٹونٹی ٹورنامنٹ وچ ینگ پائینئر کرکٹ کلب دے لیف آرم سپنر سرفراز اشرف نے مرکارا یوتھ کرکٹ کلب خلاف اپنے کوٹے دے اووراں وچ بغیر کوئی سکور کھادے 6کھڈاریاں نوں آﺅٹ کرن دا انوکھا ریکارڈ بنا لیا۔
سرفراز نے اپنے سپیل وچ 5گینداں اُتے لگاتار وکٹاں لئیاں پر امپائر ولوں ایل بی ڈبلیو دی اپیل رَد کیتے جان کارن اوہ لگاتار دو ہیٹرکس کرن دا کارناما انجام نہیں دے سکے۔ میڈیا نال گل بات کردے ہوئے 27ورھیاں دے سرفراز اشرف دا کہنا سی کہ اوہناں نوں امید اے کہ ایس پرفارمنس مگروں سلیکٹرز اوہناں نوں انڈین پریمئر لیگ (آئی پی ایل) وچ کھیڈن دا موقع دین گے،۔اوہ بھارت لئی انٹرنیشنل کرکٹ کھیڈنا چاہندے نیں پر شاید اجے تک سلیکٹرز دیاں نظراں توں اوہناں دی پرفارمنس نہیں لنگھی۔
