سرفراز احمد نوں ون ڈے، اظہر علی نوں ٹیسٹ ٹیم دا کپتان بنان دا فیصلا

سرفراز احمد نوں ون ڈے، اظہر علی نوں ٹیسٹ ٹیم دا کپتان بنان دا فیصلا

لاہور(پاکستان پوائنٹ نیوز25۔جنوری2017ء) آسٹریلیا خلاف ٹیسٹ تے ون ڈے میچاں دی سیریز وچ مَندی کارکردگی تے ٹیم دی ہار مگروں پاکستان کرکٹ بورڈ نے دوویں فارمیٹس دے کپتاناں نوں بدلن دا فیصلا کر لیا اے۔ پی سی بی وچ موجود وسیلیاں دے مطابق چیف سلیکٹر انضمام الحق نے چیئرمین پی سی بی شہریار خان نوں مارچ تے اپریل وچ دورا ویسٹ انڈیز لئی ون ڈے ٹیم دی کپتانی سرفراز احمد نوں دین دی تجویز دِتی اے۔

وسیلیاں دے مطابق شہریار خان تے انضمام الحق ٹیسٹ کپتان مصباح الحق تے سینئر بلے باز یونس خان نال ملاقات کر کے اوہناں نوں بورڈ دے مستقبل دے منصوبیاں بارے آگاہ کرن گے۔ وسیلیاں نے دعوا کیتا اے کہ پاکستان کرکٹ بورڈ مصباح الحق نوں دورا ویسٹ انڈیز دے بعد ٹیسٹ کرکٹ توں ریٹائرمنٹ لئی تجویز پیش کرے گا جدکہ یونس خان نوں ویسٹ انڈیز خلاف تن ٹیسٹ میچاں دی سیریز وچ 10ہزار سکور پورے کرن مگروں کرکٹ نوں چھڈن دا آکھیا جائے گا، کرکٹ بورڈ نے مصباح الحق دی تھاں اظہر علی نوں ٹیسٹ ٹیم دی کپتانی دین دا فیصلا کیتا اے۔