جنید خان نے آسٹریلیا خلاف بدترین باﺅلنگ دا نواں ملکی ریکارڈ بنا دِتا

سڈنی(پاکستان پوائنٹ نیوز23۔جنوری2017ء) فاسٹ باﺅلر جنید خان نے سڈنی وچ پاکستان ولوں آسٹریلیا خلاف بدترین باﺅلنگ دا نواں ریکارڈ بنا دِتا۔ تفصیل دے مطابق 27ورھیاں دے فاسٹ باﺅلر نے 10اووراں وچ 82سکور کھا دے جو کینگروز خلاف کسے ون ڈے مقابلے وچ کسے وی پاکستانی باﺅلر ولوں سبھ توں زیادا کھادا گیا سکور اے۔ جنید خان نے ایہ شرمناک ریکارڈ عمر گل توں کھویا اے جہنے 2010دے دورا آسٹریلیا وچ ایڈیلیڈ دے مقام اُتے 80سکور کھادے سن۔ جنید خان ہن تک 55ون ڈے مقابلیاں وچ 28-72دی اوسط نال 81شکار کر چکے نیں۔ آسٹریلوی وچ ون ڈے کرکٹ دوران بدترین باﺅلنگ دا عالمی ریکارڈ ویسٹ انڈیز دے جیسن ہولڈر کول اے جہنے ورلڈ کپ 2015وچ جنوبی افریقا خلاف سڈنی دے مقام اُتے 104سکور کھادے سن۔