پی سی بی پاکستان سپر لیگ دا فائنل کراچی وچ کروائے: ڈپٹی میئر ارشد وہرا

کراچی(پاکستان پوائنٹ نیوز21۔جنوری2017ء) روشنیاں دے شہر کراچی دے ڈپٹی میئر ارشد وہرا نے پاکستان کرکٹ بورڈ توں اپیل کیتی اے کہ اوہ پاکستان سپر لیگ دا فائنل کراچی وچ کروائے۔ تفصیل دے مطابق میڈیا نال گل بات کردے ہوئے ارشد وہرا دا کہنا سی کہ آپریشن مگروں کراچی ہن اک محفوظ شہر اے تے اسیں ایہ ثابت کراں گے کہ ہن ایتھے کھیڈاں دے وڈے ایونٹس منعقد کروائے جا سکدے نیں۔ ارشد وہرا دا ہور کہنا سی کہ کراچی وچ کھیڈاں دیاں سرگرمیاں ودھائیاں جان گیاں تے شہر وچ سٹی اولمپکس کروان دا منصوبا وی غور ہیٹھ اے۔ اوہناں نے آکھیا کہ پاکستان کرکٹ بورڈ توں اپیل کیتی اے کہ پی سی بی پاکستان سپر لیگ دا فائنل کراچی وچ کروائے۔