سڈنی(پاکستان پوائنٹ نیوز03۔جنوری2017ء) پاکستان تے آسٹریلیا وچکار ٹیسٹ میچاں دی سیریز دے تیجے تے آخری مقابلے دے پہلے دن آسٹریلیا نے دن دے آخیر اُتے 3وکٹاں گوا کے 365سکور کیتے۔تفصیل دے مطابق سڈنی کرکٹ گراﺅنڈ وچ کھیڈے جا رہے ایس مقابلے وچ کینگروز کپتان سمتھ نے ٹاس جِت کے پہلے بیٹنگ کرن دا فیصلا کیتا، میزبان ٹیم لئی اننگز دا آغاز اوپنر ڈیوڈ وارنر تے میٹ رینشا نے کیتا۔
ڈیوڈ وارنر نے چنگی بیٹنگ کردے ہوئے اپنی 18ویں سنچری مکمل کرن دے بعد 113سکور بنا کے وہاب ریاض دی گیند اُتے آﺅٹ ہوگئے، کجھ ای دیر بعد عثمان خواجا 13تے کپتان سٹیو سمتھ 24سکور بنا کے واپس پرت گئے، رینشا نے اپنے ٹیسٹ کیریئر دی پہلی سنچری مکمل کرن لئی دے نال نال ہینڈز کومب نال چوتھی وکٹ لئی 121سکور دا وادھا کر کے ٹیم دا سکور 365تیکر پہنچایا، رینشا 167تے بینڈ سکومب 40سکور نال کریز اُتے موجود نیں، پاکستان لئی وہاب ریاض نے دو تے یاسر شاہ نے اک شکار کیتا۔ سڈنی ٹیسٹ لئی پاکستانی ٹیم وچ اوپنر سمیع اسلم دی تھاں شرجیل خان تے سہیل خان دی تھاں عمران خان نوں شامل کیتا گیا اے۔ یاد رہوے کہ آسٹریلیا 3ٹیسٹ میچاں دی سیریز پہلے ای 0.2توں اپنے ناں کر چکیا اے۔
