پاکستانی کرکٹرز دیاں بیویاں مخبر بن گئیاں

پاکستانی کرکٹرز دیاں بیویاں مخبر بن گئیاں

سڈنی(پاکستان پوائنٹ نیوز02۔جنوری2017ء) پاکستانی کرکٹرز نوں عام طور اُتے لمے دوریاں دوران بیویاں تے بالاں نوں وی نال رکھن دی اجازت ہوندی اے جدکہ کرکٹرز دیاں فیملیاں ایہناں ٹوراں نوں وی ڈاڈھی طرحاں انجوائے کردیاں نیں۔تفصیل دے مطابق غیر ملکی ٹورز وچ کھڈاریاں دیاں سرگرمیاں عام طور اُتے لُکائیاں جاندیاں جدکہ پی سی بی دا میڈیا منیجر وی ایس حوالے نال زیادا گلاں میڈیا نال شیئر نہیں کردا پر کھڈاریاں دیاں گھر والیاں ہن اوہناں دیاں مخبر بن گئیاں نیں جو اپنے شوہراں نال لنگھائے ویلے نوں فوری طور اُتے سوشل میڈیا اُتے شیئرکر دیندیاں نیں۔

ایس حوالے نال پاکستان کرکٹ ٹیم نوں نویں سال دے پہلے دن آسٹریلوی وزیر اعظم تے اوہدی گھر والی ولوںظہرانہ جدکہ سابق کوچ وقار یونس تے اوہناںدی بیوی ولوں عشائیہ دِتا گیا، ایہناں دعوتاں اُتے آفیشلی طور اُتے صرف اک تصویر میڈیا نوں جاری کیتی گئی پر کھڈاریاں دیاں گھر والیاں ولوں شیئر کیتیاں گئیاں تصویراں نے ایہناں دعوتاں دا اکھی ویکھیا حال دِس دتا۔