سڈنی(پاکستان پوائنٹ نیوز02۔جنوری2017ء) قومی ٹیم مینجمنٹ نے سڈنی دی سپن فرینڈلی وکٹ اُتے کینگروز بلے بازاں خلاف اپنا خفیہ ہتھیار آزمان دا فیصلا کر لیا اے۔ تفصیل دے مطابق ٹیسٹ سکواڈ دے نال سڈنی وچ موجود 18ورھیاں دے نوجوان لیفٹ آرم سپنر محمد اصغر نوں تیجے ٹیسٹ وچ کھڈائے جان دا امکان اے۔ سڈنی دی سپن فرینڈلی وکٹ نوں نظر وچ رکھدے ہوئے ٹیم مینجمنٹ نے لیگ سپنر یاسر شاہ نال محمد اصغر نوں وی ٹیسٹ کیپ دین بارے غور شروع کر دِتا اے۔
وسیلیاں دے مطابق سڈنی کرکٹ گراﺅنڈ وچ قومی ٹیم دے پریکٹس سیشن دوران محمد اصغر دی بولنگ خلاف سارے بیسٹمیناں نے پریکٹس کیتی جدکہ بعد وچ مینجمنٹ ولوں اوہناں نوں اُچیچی بیٹنگ پریکٹس وی کروائی گئی جہدے بعد ایس گل دا ڈاڈھا امکان اے کہ محمد اصغر نوں منگل توں شیڈول مقابلے وچ ٹیسٹ کیپ مل جائے گی۔
