آسٹریلیا خلاف ون ڈے سکواڈ لئی محمد عرفان، جنید خان تے سہیل تنویر دے ناواں اُتے غور

لاہور(پاکستان پوائنٹ نیوز28۔دسمبر2016ء) پاکستان کرکٹ بورڈ نے لَمے قد والے باﺅلر محمد عرفان، جنید خان تے سہیل تنویر وچوں کسے اک نوں آسٹریلیا دے دورے لئی سکواڈ وچ شامل کرن اُتے غور کرنا شروع کر دِتا اے۔ اک پی سی بی عہدیدار دے مطابق سلیکشن کمیٹی نے ذکر کیتے گئے تِنوں باﺅلرز دے ناں ٹیم مینجمنٹ نوں گھل دِتے نیں، جو کسے اک ناں اُتے غور کرن دے بعد اوہنوں آسٹریلیا دا ٹکٹ دے دیوے گی۔ ذکر کیتے گئے عہدیدار دا ہور کہنا سی کہ محمد عرفان پچھلے دِنا ڈومیسٹک ون ڈے کپ وچ بھرپور فٹ نظر آ رہے سن تے سلیکشن کمیٹی دے خیال وچ آسٹریلیا دیاں باﺅنسی وکٹاں اُتے اوہ زیادا خطرناک باﺅلر ثابت ہون گے۔