برطانوی پرچا کار ملنڈا فیرل نے ’دل دل پاکستان‘ نغمہ گا دِتا

میلبورن(پاکستان پوائنٹ نیوز26۔دسمبر2016ء) برسبین ٹیسٹ وچ شاندار کاکردگی نال جتھے پاکستان نے ملکی کرکٹ شوقیناں دے دل جِتے نیں اوتھے غیر ملکی پرچا کار وی قومی ٹیم دی سپرٹ توں متاثر ہوئے بغیر نہ رہ سکی۔ ایہناں پرچا کاراں وچ اک ناں برطانیا دی ملنڈا فیرل دا وی اے جو ایس ویلے پاکستان تے آسٹریلیاوچکار جاری سیریز نوں کور کرن لئی کینگروز دے دیس موجود نیں۔ پچھلے دِنا ای اک پاکستانی سوانی پرچا کار نے ملنڈا فیرل دی ویڈیو اپ لوڈ کیتی اے جہدے وچ اوہ مرحوم جنید جمشید دا گایا ہویا مشہور نغمہ ’دل دل پاکستان‘ گاندیاں نظر آ رہیاں نیں۔ ملنڈا فیرل دی ایہ ویڈیو ایس ویلے سوشل میڈیا اُتے وی مشہور ہو رہی اے۔