سلمان بٹ نے اپنے ویزے دے مسئلے نوں حل کرن لئی پاکستان کرکٹ بورڈ کولوں مدد منگ لئی

لاہور(پاکستان پوائنٹ نیوز24۔دسمبر2016ء) سپاٹ فکسنگ کیس دے مرکزی کردار تے قومی ٹیم دے سابق کپتان سلمان بٹ نے ویزے دے مسئلے نوں حل کرن لئی پاکستان کرکٹ بورڈ کولوں مدد منگ لئی۔ تفصیل دے مطابق میڈیا نال گل بات کردے ہوئے سابق اوپننگ بلے باز دا کہنا سی اوہناں دا پہلا ٹارگٹ قومی ٹیم وچ واپسی اے جہدے لئی اوہ ڈومیسٹک کرکٹ وچ پرفارمنس دے رہے نیں۔ اوہناںدا کہنا سی کہ مینوں آئر لینڈ تے ہور ملکاں وچ لیگز کھیڈن دیاں دعوتاں ملیاں سن پر میں ڈومیسٹک کرکٹ نوں ترجیح دِتی۔ سلمان بٹ نے پاکستان کرکٹ بورڈ توں اپیل کیتی کہ اوہ فاسٹ باﺅلر محمد عامر وانگ میرے وی ویزے دے مسئلے نوں کروان وچ مدد کرے۔ اوہناں دا کہنا سی کہ عامر وی سپاٹ فکسنگ کیس دے بعد کئی ملکاں دا سفر کر چکے نیں۔