برسبین(پاکستان پوائنٹ نیوز13۔دسمبر2016ء) پاکستانی نژاد آسٹریلیوی بلے باز عثمان خواجا نے انکشاف کیتا اے کہ کوئنز لینڈ کرکٹ سٹیڈیم دے عملے نے اوہناں نوں وی غلطی نال پاکستانی کھڈاری سمجھ لیا سی۔ تفصیل دے مطابق برسبین وچ پاکستان خلاف پہلے ٹیسٹ توں پہلے گل بات کردے ہوئے عثمان خواجا دا کہنا سی کہ اپنے جدی ملک خلاف کھیڈن دا کوئی دباءمحسوس نہیں ہورہیا، اوہناں دے ماں پیو اوتھے جمے پلے تے اوہ وی اوتھے پیدا ہوئے پر ہن اوہ آسٹریلین شہری نیں۔
عثمان خواجا دا ہور کہنا سی کہ اوہ کھڈاریاں دے لوکر روم کُھلن دا انتظار کر رہے سن کہ ایس دوران سٹیڈیم دے عملے نال کم کرن والی اک سوانی نے اوہناں دی مدد کرن دی آفر کیتی، مثبت جواب ملن اُتے سوانی اوہناں نوں پاکستانی ڈریسنگ روم ول لیجان لگی جہدے اُتے اوہناں نے سوانی نوں دسیا کہ اوہ تے آسٹریلیوی کھڈاری نیں۔
